Cyngor Cymuned Llanystumdwy“Bro rhwng môr a mynydd”
R.Williams Parry CROESO i’r wefan lle cewch drosolwg ar waith y Cyngor ynghyd â gwybodaeth leol a mapiau o lwybrau cyhoeddus y cylch sydd dan ein gofal Mae dalgylch y Cyngor yn nhiriogaeth Eifionydd, ac yn glwstwr o bentrefi bach a chanolig eu maint sydd wedi eu lleoli mewn cefn gwlad prydferth a thlws. Yma mae’r iaith Gymraeg i’w chlywed yn fwrlwm ac mae cyfoeth o ddiwylliant Cymreig ymhobman.
|
Gwahoddir ceisiadau am gymorth ariannol gan fudiadau o fewn dalgylch y Cyngor.
Ceisiadau trwy lythyr yn cynnwys amlinelliad o union fwriad yr hyn fyddid yn gwario’r arian arno a mantolen ariannol gyfredol at y Clerc:
Bethan Parry Jones,
Derwen Gam, Chwilog,
Pwllheli. LL53 6SP
neu drwy ebost i
clercccllanystumdwy@gmail.com
Dyddiad cau: 15fed o Ionawr, 2024
Ni dderbynnir unrhyw gais ar ôl y dyddiad yma
Asgwrn cefn yr economi leol yw’r diwydiannau amaeth, bwyd a thwristiaeth ac mae’r tirwedd yn gymysgedd o dir glas, corsdir, rhosydd a choedwigaeth sy’n ymestyn o lannau ac aber yr afon Dwyfach i ben Garn Bentrych (748 troedfedd uwchlaw’r môr)
Hwyl ichi ar bori drwy’r safle.
© 2024 Hawlfraint Cyngor Cymuned Llanystumdwy (Gwefan gan) Delwedd - Diolch i Mr Eryl Jones am rai o'r lluniau
